16 మంది ఎన్​బీఏ ఆటగాళ్లకు కరోనా పాజిటివ్

ఎన్​బీఏ బాస్కెట్​బాల్ లీగ్​-2020 సీజన్​ను జులై 30 నుంచి ప్రారంభించాలని నిర్వహకులు భావించారు. ఈ నేపథ్యంలో 302 మంది ప్లేయర్లకు కరోనా పరీక్షలు నిర్వహించగా, ఫలితాల్లో 16 మందికి పాజిటివ్​గా నిర్ధరణ అయింది. ఈ విషయాన్ని ఎన్​బీఏ శుక్రవారం వెల్లడించింది. వైరస్​ సోకిన వాళ్లు.. తగ్గిన తర్వాత ఆటలో పాల్గొనాలంటే వైద్యుడి ధ్రువీకరణ పత్రం తీసుకురావాలని స్పష్టం చేసింది.

అయితే సక్రమెంటో కింగ్స్​కు చెందిన ఆటగాళ్లు జబారీ పార్కర్, అలెక్స్ లెన్​తో పాటు ఇండియానా పేసర్స్​ ప్లేయర్ మాల్కమ్ బ్రోగ్డన్​.. తమకు కరోనా సోకిందని బుధవారమే తెలిపారు.

ప్రస్తుత సీజన్​ ఫ్లోరిడాలోని డిస్నీలాండ్​లో నిర్వహించనున్నారు. మొత్తం 22 జట్లు పాల్గొనున్నాయి. అక్టోబరులో ఫైనల్​ మ్యాచ్​ జరగనుంది.

Leave a Reply

Your email address will not be published. Required fields are marked *

Pin It on Pinterest

Share This