కరోనాకు కారణం వుహాన్​ ప్రయోగశాల కాదు: చైనా

కరోనా వైరస్​ మూలాలు వుహాన్​లోని ఒక జీవ ప్రయోగశాలలో ఉన్నాయని అమెరికా చేసిన ఆరోపణను చైనా మరోసారి తోసిపుచ్చింది. ప్రపంచంలోని వేర్వేరు ప్రదేశాల్లో ఇది వెలుగులోకి వచ్చి ఉంటుందే గానీ తమ ల్యాబ్​ నుంచి కాదని స్పష్టం చేసింది.

కరోనా పుట్టుపూర్వోత్తరాలు తెలుసుకునేందుకు ప్రపంచ ఆరోగ్య సంస్థ(డబ్ల్యూహెచ్​వో)కు చెందిన 10మంది సభ్యుల బృందం ఈ నెలలో వచ్చి దర్యాప్తు నిర్వహిస్తుందన్న వార్తల నేపథ్యంలో విదేశాంగ మంత్రిత్వశాఖ అధికార ప్రతినిధి హువా చున్​యింగ్​ సోమవారం ఈ మేరకు స్పందించారు. వుహాన్​ నగరాన్ని ఈ బృందం సందర్శించడానికి అనుమతి ఇచ్చేదీ లేనిదీ చైనా ఇంకా తేల్చి చెప్పలేదు. డబ్ల్యూహెచ్​వోతో సహకారానికి అత్యంత ప్రాధాన్యమిస్తామని మాత్రం హువా చెప్పారు.

Leave a Reply

Your email address will not be published. Required fields are marked *

Pin It on Pinterest

Share This