దేశవ్యాప్తంగా మరో 38,772 మందికి కరోనా

దేశంలో కొవిడ్​-19 కేసుల సంఖ్య తగ్గుముఖం పట్టినట్టు కనిపిస్తోంది. కొత్తగా 38 వేల 772 మందికి కరోనా పాజిటివ్​గా తేలింది. ఫలితంగా మొత్తం బాధితుల సంఖ్య 94 లక్షల 31 వేల 692కు చేరింది. మహమ్మారి ధాటికి మరో 443 మంది బలవ్వగా.. మొత్తం చనిపోయిన వారి సంఖ్య 1లక్షా 37వేల 139కి పెరిగింది.

దేశవ్యాప్తంగా ఆదివారం ఒక్కరోజే 8,76,173 నమూనాలను పరీక్షించారు. ఫలితంగా మొత్తం టెస్ట్​ల సంఖ్య 14కోట్ల 03లక్షలు దాటిందని భారత ఔషధ నియంత్రణ పరిశోధన మండలి(ఐసీఎంఆర్​) వెల్లడించింది.

కరోనా బారినపడిన వారిలో ఇప్పటివరకు 88లక్షల 47వేల 600 మంది కోలుకున్నారు. 4లక్షల 46వేల 952 యాక్టివ్​ కేసులున్నట్టు కేంద్ర ఆరోగ్యశాఖ గణాంకాలు వెల్లడిస్తున్నాయి. దేశవ్యాప్త రికవరీ రేటు 93.81 శాతం ఉండగా.. మరణాల రేటు 1.45 శాతంగా నమోదైంది.

Leave a Reply

Your email address will not be published. Required fields are marked *

Pin It on Pinterest

Share This