దేశంలో 27 లక్షలు దాటిన కరోనా కేసులు

దేశంలో కరోనా విలయతాండవం కొనసాగుతోంది. రోజువారీగా నమోదవుతున్న కేసులను పరిశీలిస్తే ఇవాళ స్వల్పంగా తగ్గినట్లు తెలుస్తోంది. సోమవారం ఒక్కరోజు 55,079 మందికి వైరస్​ సోకింది. మరో 876 మరణాలు సంభవించాయి. మొత్తం కేసుల సంఖ్య 27లక్షలను అధిగమించింది.

మహమ్మారి నుంచి కోలుకుంటున్నవారి సంఖ్యలో పెరుగుదల కనిపిస్తోంది. కొవిడ్​ మరణాల రేటు కూడా క్రమంగా క్షీణిస్తోంది. యాక్టివ్​ కేసుల సంఖ్య తగ్గుతోంది.

రికార్డు స్థాయిలో కరోనా పరీక్షలు..

కరోనా వ్యాప్తి నివారణలో భాగంగా కొవిడ్​ నిర్ధరణ పరీక్షల సంఖ్యను రోజురోజుకు పెంచుతున్నారు. సోమవారం ఒక్కరోజే రికార్డు స్థాయిలో 8.97 లక్షల పరీక్షలు చేసినట్లు కేంద్ర ఆరోగ్య శాఖ తెలిపింది. ఒక్కరోజులో చేసిన వైరస్ టెస్టుల్లో ఇదే అత్యధికం.

Leave a Reply

Your email address will not be published. Required fields are marked *

Pin It on Pinterest

Share This