లాభాల్లో స్టాక్​ మార్కెట్లు.. సెన్సెక్స్​ 300 పాయింట్లు ప్లస్​

లాభాల్లో స్టాక్​ మార్కెట్లు..

అంతర్జాతీయ మార్కెట్ల నుంచి సానుకూల పవనాలతో పాటు ఇన్ఫోసిస్​, రిలయన్స్​, హెచ్​డీఎఫ్​సీ, ఐసీఐసీఐ బ్యాంకు వంటి హెవీ వేయిట్​ షేర్ల దూకుడుతో దేశీయ మార్కెట్లు లాభాల్లో కొనసాగుతున్నాయి. ఆరంభ ట్రేడింగ్​లో సెన్సెక్స్​ 300 పాయింట్లకు పైగా లాభపడగా, నిఫ్టీ 100 పాయింట్లపైనా వృద్ధి చెందింది.

బొంబాయి స్టాక్​ ఎక్స్చేంజి సూచీ సెన్సెక్స్​ 355 పాయింట్లు లాభంతో 35,197 వద్ద ట్రేడవుతోంది.

జాతీయ స్టాక్​ ఎక్స్చేంజి సూచీ నిఫ్టీ 100 పాయింట్ల వృద్ధితో 10,389 వద్ద కొనసాగుతోంది.

లాభనష్టాల్లోనివి..

ఇండస్​ఇండ్​ బ్యాంకు లాభాల్లో దూసుకెళుతోంది. దాదాపు 4 శాతం మేర లాభపడింది. ఆ తర్వాత టీసీఎస్​, ఐసీఐసీఐ బ్యాంకు, రిలయన్స్​ ఇండస్ట్రీస్​, ఐటీసీ, హెచ్​డీఎఫ్​సీ బ్యాంకులు లాభాల్లో కొనసాగుతున్నాయి.

మరోవైపు కొటక్​ మహీంద్రా బ్యాంకు, హెచ్​యూఎల్​, సన్​ఫార్మాలు నష్టాల్లోకి జారుకున్నాయి.

రూపాయి..

అంతర్జాతీయ మార్కెట్లో రూపాయి మారకపు విలువ డాలరుతో పోలిస్తే 14 పైసలు బలపడి రూ.75.51 వద్ద ఉంది.

Leave a Reply

Your email address will not be published. Required fields are marked *

Pin It on Pinterest

Share This