అల్పపీడన ప్రభావం.. జోరుగా ఒకటే వాన..

రాష్ట్రంలో ఎడతెరిపిలేకుండా వానలు పడుతున్నాయి. ఎగువ నుంచి వస్తున్న వరదతో మున్నేరు పొంగిపొర్లుతోంది. నదిలో నీటి ప్రవాహం లక్ష క్యూసెక్కులకు పెరగటంతో కృష్ణాజిల్లాలోని లింగాల, పెనుగంచిప్రోలు వంతెనపై నుంచి ప్రవాహం ఉద్ధృతి కొనసాగుతోంది. వత్సవాయి మండలంలోని లింగాల, ఆలూరుపాడు, పెనుగంచిప్రోలు మండలంలోని ముచ్చింతల, అనిగండ్లపాడు, గుమ్మడిదుర్రు గ్రామాల్లో వందల ఎకరాల్లో పంట నీట మునిగింది. కృష్ణాజిల్లా తిరువూరు నియోజకవర్గంలో తిరువూరు-అక్కపాలెం రహదారిలో పడమటి వాగు వంతెన పైనుంచి ప్రవహిస్తుండటంతో రాకపోకలు నిలిచిపోయాయి.

అల్పపీడన ప్రభావంతో గుంటూరు జిల్లాలో జోరుగా వానలు పడుతున్నాయి. 57 మండల్లాల్లో విస్తారంగా వర్షాలు కురుస్తున్నాయి. తుళ్లూరులో అత్యధికంగా 30.4 మిల్లిమీటర్ల వర్షపాతం నమోదైంది. వర్షానికి పిడుగురాళ్లలో చాలా చోట్ల రోడ్లు దెబ్బతిన్నాయి. ఎడతెగని జల్లులతో వరి, పత్తి, మిర్చి రైతులు ఆందోళన చెందుతున్నారు. కొన్ని ప్రాంతాల్లో కంది పంట మొలకెత్తని పరిస్థితి ఏర్పడింది.

Leave a Reply

Your email address will not be published. Required fields are marked *

Pin It on Pinterest

Share This