విద్యార్థుల సందడి.. మురిసిన బడి

మయన్మార్​లో మరోమారు సైన్యం తిరుగుబాటు చేసింది. ఏడాది పాటు పాలనను తమ నియంత్రణలోకి తీసుకుంటున్నట్లు ప్రకటించింది. ఆంగ్​ సాన్​ సూకీ సహా కీలక నేతలను గృహ నిర్బంధం చేసింది. మయన్మార్​ రాజధాని నేపిడాలో టెలిఫోన్​, అంతర్జాల సేవలు నిలిపివేసింది.

తాత్కాలిక అధ్యక్షుడిగా..

మయన్మార్​ దేశ​ తొలి ఉపాధ్యక్షుడు మైంట్​ స్వీ.. తాత్కాలిక అధ్యక్షుడిగా వ్యవహరించనున్నారని సైన్యం ఆధీనంలోని మయావాడీ టీవీ ప్రకటించింది. నేషనల్​ లీగ్​ ఫర్​ డెమొక్రసీ నాయకురాలు ఆంగ్​సాన్​ సూకీని నిర్బంధంలోకి తీసుకున్న తర్వాత.. ఈ మేరకు వెల్లడించింది. ఏడాది పాటు అత్యవసర పరిస్థితిని మిలిటరీ ప్రకటించినట్లు తెలిపింది. దేశ అధికారాన్ని కమాండర్​-ఇన్​-చీఫ్​ ఆఫ్​ డిఫెన్స్​ సర్వీసెస్​.. మిన్ హేలింగ్​కు అప్పగించనున్నట్లు పేర్కొంది.

భారత్​ సహా పలు దేశాల ఆందోళన..

  • మయన్మార్​లో జరిగిన తాజా పరిణామాల పట్ల తీవ్ర ఆందోళన వ్యక్తం చేస్తున్నామని భారత విదేశాంగ శాఖ ప్రకటించింది. భారత్​ ఎల్లప్పుడూ ప్రజాస్వామ్య ప్రక్రియకు మద్దతు తెలుపుతుందని పేర్కొంది.
  • ఇటీవల జరిగిన ఎన్నికల ఫలితాల మేరకు నడుచుకోవాలని మయన్మార్​ సైన్యానికి సూచించింది అమెరికా. లేదంటే చర్యలు తప్పవని హెచ్చరించింది. మయన్మార్​లో జరుగుతున్న పరిణామాలను నిశితంగా పరిశీలిస్తున్నట్లు తెలిపింది. గృహ నిర్బంధంలో ఉన్న ఆంగ్​సాన్​ సూకీ, ఇతర నాయకులను వెంటనే విడుదల చేయాలని స్పష్టం చేసింది.
  • మయన్మార్​లో జరుగుతున్న పరిణామాలను పరిశీలిస్తున్నామని, గృహనిర్బంధంలో ఉన్న ఆంగ్​సాన్​సూకీ, ఇతర నేతలను వెంటనే సైన్యం విడుదల చేయాలని ఆస్ట్రేలియా డిమాండ్​ చేసింది. ప్రజాస్వామ్య బద్ధంగా కొత్త ప్రభుత్వం ఏర్పాటుకు తమ పూర్తి మద్దతు ఉంటుందని ప్రకటించింది.

ఖండించిన ఐరాస..

మయన్మార్​లో సైనిక తిరుగుబాటును తీవ్రంగా ఖండించారు ఐక్యరాజ్య సమితి ప్రధాన కార్యదర్శి ఆంటోనియో గుటెరస్​. స్టేట్​ కౌన్సిలర్​ ఆంగ్​ సాన్​ సూకీ, అధ్యక్షుడు యూ విన్​ మైంట్​, ఇతర నేతలను నిర్బంధించటాన్ని తప్పుపట్టారు. అన్ని రకాల అధికారాలను సైన్యానికి బదిలీ చేయటంపట్ల ఆందోళన వ్యక్తం చేశారు. తాజా పరిణామాలు మయన్మార్​లో డెమొక్రటిక్​ సంస్కరణలను తీవ్రంగా దెబ్బతీస్తాయన్నారు. మయన్మార్​ ప్రజల హక్కులకు ఐరాస పూర్తి మద్దతు ఇస్తుందని ఉద్ఘాటించారు.

Leave a Reply

Your email address will not be published. Required fields are marked *

Pin It on Pinterest

Share This