కశ్మీర్​లో ఉగ్ర ఏరివేత- ముగ్గురు ముష్కరులు హతం

జమ్ముకశ్మీర్​లో ఉగ్రవాదుల ఏరివేత కొనసాగుతోంది. అనంత్​నాగ్​ జిల్లాలోని ఖుల్చోహార్​ ప్రాంతంలో జరిగిన ఎదురుకాల్పుల్లో ముగ్గురు ముష్కరులను భద్రతా దళాలు మట్టుబెట్టాయి. వీరి నుంచి ఓ ఏకె రైఫిల్,  రెండు పిస్టళ్లు స్వాధీనం చేసుకున్నారు. ఈ ముష్కరులు ఏ ఉగ్రసంస్థకు చెందినవారో దర్యాప్తు చేస్తున్నట్లు అధికారులు తెలిపారు.

ఖుల్చోహార్ ప్రాంతంలో ముష్కర మూకలు నక్కి ఉన్నాయన్న పక్కా సమాచారంతో నిర్బంధ తనిఖీలు చేపట్టాయి బలగాలు. ఈ క్రమంలో జవాన్లపై కాల్పులకు పాల్పడ్డారు తీవ్రవాదులు. అది ఎన్​కౌంటర్​కు దారితీసింది. ప్రస్తుతం ఆపరేషన్​ కొనసాగుతోందని అధికారులు తెలిపారు.

Leave a Reply

Your email address will not be published. Required fields are marked *

Pin It on Pinterest

Share This