నేడు ఎన్​సీబీ విచారణకు రకుల్​​.. శనివారం దీపిక

సుశాంత్ రాజ్​పుత్​​ ఆత్మహత్య కేసును డ్రగ్స్​ కోణంలో దర్యాప్తు చేస్తున్న మాదకద్రవ్యాల నియంత్రణ మండలి (ఎన్‌సీబీ)ముందు శుక్రవారం నటి రకుల్‌ప్రీత్‌ సింగ్‌ హాజరుకానుంది. ఆ తర్వాత శనివారం బాలీవుడ్​ హీరోయిన్లు దీపికా పదుకొణె, సారా అలీఖాన్‌, శ్రద్ధా కపూర్​ ఎన్​సీబీ విచారణకు వెళ్లాల్సి ఉంది. ఈ మేరకు ఎన్‌సీబీ వర్గాలు ధ్రువీకరించాయి. రకుల్‌కు సమన్లు జారీ చేశామని.. ఆమె అందుకుందని, విచారణకు సహకరిస్తానని తెలిపారని అధికారులు చెప్పారు.

శుక్రవారం రకుల్‌తో పాటు.. దీపిక మేనేజర్‌ కరిష్మా ప్రకాశ్‌నూ అధికారులు ప్రశ్నించనున్నారు. ప్రస్తుతం గోవాలో షూటింగ్‌ జరుపుకొంటున్న దీపిక.. విచారణ కోసం భర్త రణ్‌వీర్‌తో కలిసి ముంబయి చేరుకున్నారు. ఆమె ఇంటి దగ్గర ఇప్పటికే పోలీసులు భారీ బందోబస్తు ఏర్పాట్లు చేశారు. సారా అలీఖాన్‌ కూడా గురువారం ముంబయి చేరుకుంది. రకుల్‌, దీపికతో పాటు సారా అలీఖాన్‌, శ్రద్ధాకపూర్లకూ ఎన్‌సీబీ సమన్లు జారీ చేసింది. కేసులో చాలా మంది అగ్రనటుల పేర్లు బయటికి వచ్చినట్లు తెలుస్తోంది. కానీ, ఈ విషయంపై అధికారులు ధ్రువీకరించడం లేదు.

Leave a Reply

Your email address will not be published. Required fields are marked *

Pin It on Pinterest

Share This