‘మహా’ విషాదం: భవనం కూలిన ఘటనలో 16 మంది బలి

మహారాష్ట్ర రాయ్​గఢ్ జిల్లా మహద్ ప్రాంతంలో ఐదంతస్తుల భవనం కూలిన ఘటనలో మృతుల సంఖ్య 16కు పెరిగింది. వీరిలో 9 మంది మహిళలు ఉన్నారు.

సోమవారం సాయంత్రం భవనం కూలిన వెంటనే సహాయక చర్యలు చేపట్టిన ఎన్​డీఆర్​ఎఫ్​, అగ్నిమాపక సిబ్బంది ఇప్పటివరకు 16 మంది మృతదేహాలను వెలికి తీశారు. శిథిలాల కింది నుంచి.. ఓ నాలుగేళ్ల బాలుడు సహా మొత్తం 61 మందిని రక్షించినట్లు మహారాష్ట్ర అధికారులు తెలిపారు. ప్రమాదం జరిగినపుడు 90 మంది వరకు శిథిలాల కింద చిక్కుకున్నారనే అనుమానంతో ఎన్​డీఆర్​ఎఫ్​, అగ్నిమాపక సిబ్బంది సహాయ చర్యలు చేపట్టాయి.

ప్రమాదంలో మరణించిన వారి కుటుంబాలకు 5 లక్షల రూపాయల పరిహారం ఇవ్వనున్నట్లు ఆ రాష్ట్ర మంత్రి విజయ్ వాడేటివార్ తెలిపారు. గాయపడిన వారికి రూ. 50 వేలు ఆర్థిక సాయం అందజేస్తామని చెప్పారు.

Leave a Reply

Your email address will not be published. Required fields are marked *

Pin It on Pinterest

Share This