లాకప్​డెత్​ కేసులో ఐదుగురు పోలీసులు అరెస్టు

తమిళనాడులో సంచలనం సృష్టించిన తండ్రీకొడుకుల లాకప్​ డెత్​ కేసులో సీబీ- సీఐడీ అధికారులు పురోగతి సాధించారు. బుధవారం ఓ సబ్ ఇన్​స్పెక్టర్​ను అరెస్టు చేయగా.. ఇవాళ మరో నలుగురు అధికారులను అరెస్టు చేశారు. వీరిలో ఇద్దరు ఎస్సైలు, మరో ఇద్దరు కానిస్టేబుల్స్​ ఉన్నారు.

సస్పెండ్​ అయిన సబ్​ ఇన్​స్పెక్టర్​ రాగు గణేశ్​ను అరెస్టు చేసిన విషయం తెలుసుకున్న తూత్తుకుడి సాతంకుళం ప్రాంత ప్రజలు ఆనందంతో టపాసులను కాల్చారు.

ఏమిటీ ఈ కేసు?

లాక్​డౌన్ నిబంధనలను అతిక్రమించి.. వారి సెల్​ఫోన్ దుకాణాన్ని తెరిచినందుకు పి. జయరాజ్, ఫెనిక్స్​ను అరెస్ట్ చేశారు తమిళనాడు పోలీసులు. అనంతరం వారు కస్టడీలోనే ప్రాణాలు కోల్పోయారు. ఇది దేశవ్యాప్తంగా చర్చకు దారి తీసింది. దీంతో ఈ కేసును సీబీఐకి బదిలీ చేయాలని తమిళనాడు ప్రభుత్వం నిర్ణయించింది. అయితే సీబీఐ ఛార్జి తీసుకునే వరకు సీబీ- సీఐడీతో విచారణ జరపాలని మద్రాసు హైకోర్టు ఆదేశించింది.

Leave a Reply

Your email address will not be published. Required fields are marked *

Pin It on Pinterest

Share This