ప్రేమాట: ఔను.. వాళ్లిద్దరినీ క్రీడలే కలిపాయి

ప్రేమకు అవధులు లేవని.. అది ఎప్పుడు, ఎలా పుడుతుందో చెప్పలేమని అంటుంటారు. అందుకు నిదర్శనం.. సానియా మీర్జా- షోయబ్‌ మాలిక్‌, పెంటేల హరికృష్ణ- నదెడ్జా జోడీలు. దేశాలు దాటిన వీళ్ల ప్రేమ.. పెళ్లిగా మారింది. భారత టెన్నిస్‌ తార సానియా, పాకిస్థాన్‌ క్రికెటర్‌ మాలిక్‌ 2004లో తొలిసారి హోబర్ట్‌లోని ఓ రెస్టారెంట్లో కలుసుకున్నారు. ఆ తర్వాత సానియా మ్యాచ్‌ చూడడానికి అతను స్టేడియానికి వెళ్లాడు. అలా వాళ్ల ప్రయణ గాథ మొదలై పెళ్లికి దారితీసింది. మరోవైపు తెలుగు గ్రాండ్‌మాస్టర్‌ హరికృష్ణ, సెర్బియా మహిళల ఫిడే మాస్టర్‌ నదెడ్జాల ప్రేమ కథ ఖండాల మధ్య దూరాలనే చెరిపేసింది. జూనియర్‌ స్థాయి టోర్నీల్లో ఆడేటప్పుడే వీళ్ల మధ్య పరిచయం మొదలైంది. 2018లో వివాహం జరిగింది.

భారత్‌లో స్క్వాష్‌ పేరు వినగానే ముందు గుర్తొచ్చే దీపిక పల్లికల్‌ ఓ వైపు. భారత క్రికెటర్‌ దినేశ్‌ కార్తీక్‌ మరోవైపు. వీళ్ల ఆటకు అసలు కొద్దిగా కూడా సంబంధం లేదు. కానీ వీళ్ల మనసులు మాత్రం అనుబంధాన్ని కోరుకున్నాయి. వీళ్లిద్దరూ ఒకే ఫిట్‌నెస్‌ కోచ్‌ దగ్గర శిక్షణ తీసుకోవడం వల్ల పరిచయం మొదలైంది. 2013లో టీమ్‌ఇండియా ఛాంపియన్స్‌ ట్రోఫీ గెలిచిన వెంటనే ఆమెకు దినేశ్‌ తన ప్రేమను తెలిపాడు. ఆమె సంతోషంగా ఒప్పుకుంది. 2015లో ఈ జంట పెళ్లి చేసుకుంది.

Leave a Reply

Your email address will not be published. Required fields are marked *

Pin It on Pinterest

Share This