దేవుడి కానుక అని నమ్మించి.. 12 లక్షలు కాజేశాడు!

ఆంధ్రప్రదేశ్‌లోని కడపకు చెందిన కిశోర్‌కుమార్ పాస్టర్. కొద్ది రోజుల క్రితం విదేశాల నుంచి రోజ్ విలియం అనే వ్యక్తి నుంచి ఫోన్ కాల్​తో పాటు సమాచారం వచ్చింది. మీ చర్చికి కానుక ఇవ్వాలనుకుంటున్నానని.. 2 రోజుల్లో మీకు ఒక పార్సిల్ వస్తుందని చెప్పాడు. పార్సిల్ ఇచ్చేవారు చెప్పినట్లు చేయాలని తెలిపాడు. పార్సిల్​లో విదేశీ కరెన్సీ ఉందని.. 40 వేల బ్రిటిష్​ పౌండ్లని భారత్​ కరెన్సీ ప్రకారం.. రూ.35 లక్షలకు పైగానే ఉంటుందని చెప్పాడు. ఇది దేవుని కానుక వదులుకోవద్దని సూచించాడు.

ఇండియన్ కరెన్సీగా మారాలంటే కొంత డబ్బులు చెల్లించాలని కిశోర్‌కుమార్​ను నమ్మించాడు. దేవుడు పంపే కానుక అని చెప్పేసరికి.. నాలుగు విడతలుగా 12 లక్షల 85 వేల రూపాయలను పాస్టర్ డిపాజిట్ చేశాడు. తర్వాత తెలిసింది మోసపోయానని. వెంటనే బాధితుడు పోలీసులకు ఫిర్యాదు చేయగా.. సైబర్ క్రైమ్ పోలీసులు కేసు నమోదు చేశారు.

Leave a Reply

Your email address will not be published. Required fields are marked *

Pin It on Pinterest

Share This