భాజపా ఎన్నికల కసరత్తు- బంగాల్​కు పరిశీలకులు

బంగాల్ అసెంబ్లీ ఎన్నికలకు భారతీయ జనతా పార్టీ సర్వసన్నద్ధమవుతోంది. రాష్ట్రంలోని పలు జోన్లకు పార్టీ పరిశీలకులను నియమించింది. అబ్జర్వర్లు, కో-అబ్జర్వర్లతో పాటు కన్వినర్ల జాబితాను రాష్ట్ర భాజపా అధ్యక్షుడు దిలీప్ ఘోష్ ప్రకటించారు.

కోల్​కతా జోన్​కు సోవన్ ఛటర్జీని పరిశీలకుడిగా, దేబ్​జిత్ సర్కార్​ను కన్వినర్​గా నియమించింది భాజపా. బైసాక్షి బెనర్జీ, శంకుదేబ్ పాండాలను కో-కన్వినర్​లుగా నియమించింది. కూచ్ బెహర్ జిల్లాకు దీపెన్ ప్రమాణిక్, డార్జీలింగ్ జిల్లాకు భాస్కర్ దే, దక్షిణ దినాజ్​పుర్​కు అమితవా మైత్రా, ఉత్తర ముషీరాబాద్ జిల్లాకు మనబేంద్ర చక్రబర్తి, ఉత్తర నదియాకు గోపాల్ సర్కార్​, బసిర్​హాట్ జిల్లాకు ప్రదీప్ బెనర్జీ, ఉత్తర కోల్​కతాకు మానస్ భట్టాచార్యలను పరిశీలకులుగా నియమించింది.

డైమండ్ హార్బర్ జిల్లాకు సుభ్​నారాయన్, ఝాడ్​గ్రామ్​కు స్వపన్ పాల్, బర్దామ్ జిల్లాకు రామకృష్ణ పాల్, అసాన్సోల్ జిల్లాకు రామకృష్ణ రాయ్, అరాంబాగ్ జిల్లాకు దేబాశిష్ మిత్రాలను అబ్జర్వర్లుగా నియమిస్తూ ప్రకటన జారీ చేసింది భాజపా.

సహ పరిశీలకులుగా మాల్డాకు శంకర్ చక్రబర్తి, దక్షిణ నదియాకు సందీప్ బెనర్జీ, కేఎన్ఎస్​డీకి ఫాల్గుణి పాత్ర, దక్షిణ కోల్​కతాకు బిజోయ్ ఓఝా, దక్షిణ 24 పరగణాలకు గౌతమ్ రాయ్, హావ్​డా అర్బన్​కు దినేష్ పాండే, హావ్​డా గ్రామీణ ప్రాంతానికి ప్రదీప్ దాస్​లను నియమించింది.

Leave a Reply

Your email address will not be published. Required fields are marked *

Pin It on Pinterest

Share This