మార్కెట్లోకి మోటోజీ 5జీ ప్లస్​ వచ్చేసింది.. ఫీచర్లు ఇవే

కరోనా లాక్​డౌన్ సడలింపులతో ప్రపంచవ్యాప్తంగా స్మార్ట్​ఫోన్​ సంస్థలు జోరు పెంచాయి. వరుసగా కొత్త కొత్త మోడళ్లను మార్కెట్లోకి విడుదల చేస్తున్నాయి. ఇందులో మోటోరోలా కాస్త ముందువరుసలో ఉన్నట్లు తెలుస్తోంది. ఈ సంస్థ ఐరోపా మార్కెట్లో మోటోజీ 5జీ ప్లస్​ పేరుతో కొత్త ప్రీమియం మోడల్​ను ఆవిష్కరించింది. ఇటీవలే ఫ్యూజన్ పేరుతో భారత్​లో ఓ మోడల్​ను విడుదల చేయడం గమనార్హం.

4జీబీ ర్యామ్, 64 జీబీ స్టోరేజ్, 6జీబీ ర్యామ్, 128 జీబీ స్టోరేజ్ (1టీబీ వరకు పెంచుకునే సదుపాయం) వేరియంట్లలో మోటోజీ 5జీ ప్లస్​ను అందుబాటులోకి తెచ్చింది మోటో. వీటి ధరలు వరుసగా 349 యూరోలు (దాదాపు రూ.30 వేలు), 399 యూరోలు (దాదాపు రూ.33,730)గా నిర్ణయించింది.

అయితే ఈ మోడల్ భారత్​లో ఎప్పుడు అందుబాటులోకి వస్తుందనే విషయంపై మోటోరోలా ఇంకా స్పష్టతనివ్వలేదు.

మోటోజీ 5జీ ప్లస్‌ ఫీచర్లు..

  • 6.7 అంగుళాల హెచ్​డీ డిస్​ప్లే
  • క్వాల్కమ్ స్నాప్​డ్రాగన్​ 765 ప్రాసెసర్
  • వెనుక వైపు నాలుగు కెమెరాలు (48 ఎంపీ+5ఎంపీ+8ఎంపీ+2ఎంపీ)
  • 16+8 మెగా పిక్సళ్ల డ్యుయల్ పంచ్​ హోల్​ సెల్ఫీ కెమెరా
  • 5,000 ఎంఏహెచ్ బ్యాటరీ
  • ఆండ్రాయిడ్‌ 10 ఓఎస్​

Leave a Reply

Your email address will not be published. Required fields are marked *

Pin It on Pinterest

Share This